لسحالينا الجكمات هع
الشعر: هو تاج راسج , المفروض تداريه و تهتمين بيه , و هو رمز جمالج , و هو املج , و مستقبلج , و حلم حياتج , و ,.. و ...و وووو...المهم
حتى تكدرين تتعاملين وية شعرج بشكل صحيح ...اكو طريقتين:
1-الطريقة الصعبة:
ا-استعمال الشامبو الصحيح :يعني اهتمي بنوعية الشامبو اللي تستعمليه كون فد شي غالي ..ابو الخمس تالاف و فوك ..لان اذا اقل يعني شعرج قيمته قليلة عندج ..راح ينقهر شعرج و يتأذى و نفسيته تتعب ..و يقرر الرحيل ..و يبدي يهجرج على شكل خصلات توكع من راسج على فجأة ...
ب-الحمام الزيتي: حتى تغذيه, لو بس بيج خير تغذين روحج وتتزقنبين ؟؟؟ ..هذا تاج راسج اذا راح منين تجيبين تاج راس بعد؟!!؟:
ج-المي الزين : ترة المي مالتنة تلف..من هسة اكللجياهه ..اشتري بطالة فرات و غسلي شعرج بيهه ..فدوة الفلوس الج و لجمالج عيني ..واحد جم مرة يعيش..و شكو بيهه اذا شربو الجهال من الحنفية و تمرضوا..الاعمار بيد الله
د-المشط: رحمة لوالديج شعرج كاتل احد من عشيرتج؟؟ ..ليش تكفشيه كفش من تمشطين؟؟..يا عيني عله كيفج ..ادري الجهال متعبيج و كهرباء ماكو و ابو الجهال يريد عشه..بس مشطي شعرج لخاطر الله ..مشطي شعرج خللي تصير بيج شوفة ولو الجكمة جكمة بس شنسوي
ه-القراصة و الطاك: اهم شي ..الفركيتات و القراصة ام الوردة و ام الريشة ..و الطاك اللي هلكبره ..اللللللللللللله عبالك معركة براسج
2-الطريقة السهلة:
اولا:عوفي شعرج براحته . .ينمو و يتكنفش بجميع الاتجاهات ..و لا تشيلين همه..و اتبعي موضة الكفشة التاريخية اللي دتتبعه ميريام فارس ..و من يسألوج كولي :مودة ..و موتي من الحر وية طفية الكهرباء ..
ثانيا: او....شيلي شعرج كله..زينيه صفر مثل ايام العسكرية ؟؟؟ ...خلصي منه و من ضيمه ..و خللي راسج يشم هوة و يشوف دنيه ..و من يسالوج كولي:
كرعة و اخبل شحال لو عندي شعر
بنااات هاي للجكمااتت فقط اكرر
للجكماات فقط
يعني اني ممشموله هع هع
اني شعري سررححح ايملخ هع
موضوع: بنااتت دخلووو شوفو احدث طرق التمشيط هع 
الجمعة فبراير 22, 2008 3:58 pm
