طالب وعايف دروسي

طالب وعايف دروسي
واقره اشعار وجرايد
عاشگ بنيه بقسمنة
والگلب بس الهه رايد
هيه حلوه .هواي حلوة
واني عمي اشلون واحد
بالفرن ناسيني اهلي
وحتى لون عيوني جارد
حاولت الفت نضرهه
بكل وسيله وماكو فايد
غيرت لبسي ومشيتي
وفكري بالمودات شارد
گعدتني ع الحديده
لا بعت حته الحدايد
جللت شعري و صبغته
والبست حته گلايد
لا تگلي ولا اگلك
بهذلتني الله شاهد
وهيه تدري بس خبيثه
مثولتهه . والدلال بارد
وانه نار بنص دليلي
خاف اصارحهه وتعاند
مره اگول احچي وياهه
ومره اگولن خليني راشد
وين چانتلي يا ربي
مو چنت متونس وگاعد
قررت لازم ابوح
بحبي الهه وما احايد
بوري ما بوري اسولف
قابل مصارح مجاهد
جيت وتقربت يمهه
جسمي يرجف حيلي بايد
والضغط گام ايتخربط
مره نازل مره صاعد
گمت اتمتم گمت اعتعت
گمت احس بالساني جامد
ردت افلت بس مترهم
گالت اتفضل شرايد
گلت عفوا من رخصتچ
بلچي عندچ قلم زايد !!!!

منقووووووووول

هههههههههههههههههههههه
حلو منك القصيد
عزيزي دمت لنا ودام ابداعك وتألقك

قصييييييده في غاية الرووووعه
والابداع
عاااشت يمينك
ونورت المنتدى بوجودك
وعطرت القسم بموضوعك

بس من بعد اذنك راح اطلب من المديرنقل الموضوع الى قسم الشعر الشعبي
لان هذا شعر شعبي مو فصيح والفصيح هو اللغة العربيه الفصحى

شكرا لك على هذا الابداع
تحيااااتي واشواااااقي[/center]