ياجرح.......بقلمي(وهذه اول مشاركة)

حبايبي هذا اول شاركة الي واتمنى تعجبكم

كافي ياجرح ياساهر اليل
خلص كل الدمع شبسرعة وشلتة
صار سنين تبجي ومنتة مرتاح
ربة وياك الحزن بأيديك كبرتة
بطل لا تعاتب دهر أذاك
تراه الصوج منك انتة دللتة
دهر خاين يطبر بيك كليوم
وانتة بخجل ساكت ليش جاملتة
تذكر من اجة ورش الملح بيك
وبس اعتذر منك كمت سامحتة
انصحك ياجرح صير احمر العين
وخلي الكبرياء يخوض معركتة
وضل مثل الجبل متهزك الريح
مو مثل الغصن والريح مايلتة
واخيرا ياجرح حضرلك اكفان
اريد تصير جثة الضحكة ماكلتة
وماريدك بعد يبقى الاثر بيك
ولتبقي تذكار هموم حافرتة
اريد تصير عيد وبهجة للناس
واريدك طفل حيل الفرحة غامرتة

تحياتي وتمنياتي لكم بلتوفيق والابداع

وك يسلموووووو
وعاااااشت ايدك
وننتظر جديدك
تحياااااتي واشوااااااقي

بيبو المختار
تسلملي على المرور الرائع اتمنى لك التوفيق

جيقو
مرورك اسعدنا و يشجعنا على المشاركة
تسلملي يا احلى جيقو بس فد سؤال هسة انتة شنو ...فراغ...؟هع