منو مثلك حسين

جيتك سيدي وشايل بكلبي هموم
واريد اشتل الروح بهاي كيعانك
وبعيوني دمع ينهال عالخدين
كلما اشوف كبتك واذكر احزانك
ردت روحي من لحضرتك طبيت
وطلع مني الكلب ويبوس حيطانك
ابيبانك شفافي جلبن يحسين
يالباب الجنان تكول بيبانك
نيشانك حسين الثورة عالطاغوت
وبكصت الزمان حفرت نيشانك
أسد بس يا أسد مثلك يبو الأحرار
من تزأر يهابك حتى ميدانك
ابن حيدر وما يحتاج افسر هاي
معروفة الشمس .. معروف عنوانك
منو مثلك حسين اتحمل الآهات
وانته الحققت نصرك بأحزانك
خذيني يا سيوف الموت لجل الدين
كلتهه بكل شجاعة كبال عدوانك
وبدمك حسين انتصر هذا الدين
وبدمك حسين انصاغ قرانك
ومنو مثلك حسين تحمل العبرات
وبكلبه الحزن نيران متوجرة
جبل أحزان صاير يا أبو السجاد
مدري منين جايب هالجبل صبره
جم طبره اكو بجسمك وابد ما ونيت
وواحدنه يون من جكت الابره
كدامك العترة تذبحت يحسين
وكدامك اصحابك كلهه متوذره

وكدامك اطفال تصيح عطشانين
وكدامك عدوه كلبه من صخره
وكدامك كمر يم الشريعة وغاب
ظهر حسين كالوا هذا خنكسره
كصوا يمنته حت لا يجي ويحميك
وحتى تحير أكثر كصوا اليسره
رغم ما صار بيك وانته ذاك حسين
ثابت موقفك متحركت شعره
لان عندك مباديء تحمل وافكار
وشما دار الزمن متموت هالفكره
لازم كل ظلم ينتهي ويومه يزول
او يظل الحق اساس وخالد الذكره
لابد يوم عنه يزول هذا الليل
ولو جانه الصبح معروف من فجره

شكرررراااااا ع الموضوع
وعاااشت ايدك
وننتظر جديدك