قصيده روووووووووووووووووووووووووووعه

صدك تضحك يخايب واني حزنان
وكلمات الفرح بلسانك تدور
وصدك ناسي اليحبك صارله سنين
ولا مر على بالك خايب مرور
وصدك بعت المحبه ابرخص التراب
وضفت هم على همي وصرت مغدور
وصدك دمعك تعزة اعليه بالضيج
وانه السويت دمعي بضيجك بحور
وصدك تيزاب دربي ترشه واشواك
وانه الرشيت دربك طيبه وزهور
وصدك تحجي بقساوه وياي وصياح
وانه الوياك احجي بصوت عصفور
وصدك وياي طبعك طبع الذياب
وانه الوياك طبعي طبع الطيور
وصدك تتركني انت وجنحك طويل
وانه الشلتك ابظهري وجنحي مكسور
وصدك مايك تمنعه واني عطشان
وانه السويت الك جفيني ناعور
وصدك تمنع خبزتك واني جوعان
وانه كل العمر جبته الك تنور
وصدك وحدي تركتني بلايه حراس
وانه عمري كضيته عليك ناطور
معذور اليخون وينسه كل طيب
وانساني اكلك وانته معذور