أبوذيات مختارة

موضوع: أبوذيات مختارة الخميس أغسطس 14, 2008 2:01 pm

السلام عليكم
اليوم جبتلكم أبوذيات مال شعراء نختارهم وسويتهن موضوع ( طبعاً شعراء شعبين )
ان شاء الله تعجبكم
-------------------------------
يا دنيا شمال دولابج يناحي
ومن الصوبين كسرتي جناحي
أنا الكنت أمر وناهي
صرت شبوط والفالات بيه

نثرت دموعي للاسمر والاكحل
وصبغ وجانتي على خدودي ولك حل
صدكني سهل انت ولك حل
احلك لو ترد انت علية

على ضيم الهوى ياروح علمي
وبيها ارفعت اني اليوم علمي
اسالتها المستوى وتكول علمي
بخامس باء يالتسال عليه

قلبي انت ملكته وانت حر بيه
عليل وطبي عندك وانت حر بيه
كاس السم اشربه وانتحر بيه
اذا غيرك يمس اطراف ادية

باب الدار بجفوفي لحني
وحنين النوك ما يوصل لحني
وطيت لكن اسهمك لحني
بوسط قلبي وطبيبي احتار بية

هلي وياهم چنت عايش بلاهم
ونهاري شماضوى مظلم بلاهم
هلي مدري الوكت شنهو بلاهم
ولاهم اعرفوا بالصار بيه

حبيبي لا تظن انساك ولهه
دوه الروحي غرامك صار ولهة
الشفة والعين ترد عليك ولها
تدعيلك كل صباح وكل مسية

الك ياصاح ماظل مني خاطر
واحسبه احساب دربك من اخاطر
تعال كرب حبيبي مني خاطر
تعرف اجنون حبك اشسوه بيه

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

عيونك تصيب الگلب بسهام
يلي ابد ماشفت بهواك بسهام
انا طير المهاجر بالفضاء بسهام
اشوفك وانا تايه بالبريه

يـحلو الاطبـاع واصلني وقارب
ماعندي اهل غيرك وقـارب
سفينه بالبـحر ردتك وقـارب
تشيل الحمل من يثگل عليـــه

عليه هموم منهه الجبل ينهار
شحيح الماي وانا بعطش ينهار
عليه النذل صار وصبح ينهار
وانا لوذ بسكتي وشلون بيه
.............................................
كافي من الزعل درجع ورضنه
وهجرك دمر عظامي ورضنه
قسم من تحط حدنه وارضنه
تجيك الخارطه تقدم هديه
............................................
بهجرك راح عقلي مالفاني
وجثير اشعار لجلك مألفاني
رحت اركض بهيمه مالفاني
ادور عليك يالرحت من ايديه
...........................................

درب الشوق لا تقطع وصاله
ولك بالقلب كم غرفة وصاله
نجوى تروحلك فدوى واصاله
واليسا تغني لا تبعد عليه

ها شلونهن؟

عاااشت ايدك خيوووو

تسلم يا وردة

تحياااتي واشواااقي
ـــــــــــــــــــــــــــــــــــــــــــــــ
شاعـــــــ صمــ الغــروب ـــــــر

تسلم وعاشت ايدك

خيووو هاي الابوذية مني الكـ

غيرك مايصح للروح مرهم
تحير امريكا لو طاريك مرهم
وماينفع درعهم لا همرهم
اثنين اثنين نطبكهم سويه

الله روعه وربي
اموت عالابوذيات
يسلمووو خيو وعاشت ايدك

عاااااااااااشو والله تخبل حبيبي مشكور روعه ونص

وك يسلموووووو روعة وابداع تسلم يا حلووو