محد مرتاح لا العزوبي ولا المتزوج هع هع محاورة شعريه تمووت ضحك

اقروو القصه قبل القصيده حتى تفتهمون شسالفه هع...
تبدي القصه...كان اكو شخصين كاعدين بالمقهى
يحجون عن مشاكلهم الزوجيه واحد متزوج وحده واللخ متزوج اثنين
ووكل واحد كاعد يشتكي ويبجي بوجه اللخ
وكان اكو شخص وراهم كاعد يسمع حجيهم هو اعزب ممتزوج
فبدا الاول((اللي متزوج وحده بالكلام وقاال::....



(( الأول))((اللي متزوج وحده))
يهنيـاله الخذالـه ثنيــن
ولا يبــكه علـى الوحـــده
يـوم يبـات عـد هــاي
ويـوم الـثـانيـه عنــــــــده
مو مثــل الـذي بـوحـده
لو زعلت تطرده وبابهه تسده
وشنهـي بأيدهه تلـــزمــه
تنـزلـه براسـه وتـربـده
ولـو هـاجـت يضـل حـايــر
لا ويـن الهـروب وألمـن الشـرده
وفنــه اللـي يحـاجيهـــــه
يــرن طــراكهـه بخـــده
وتتشرط...تريد أبيــت وحــدهــه
لا عمـه وحمـه ونسيـب مـا عـدهـــه
وثلـث مـرات جيبـه تفتشـه كـل يـوم
لا دينــار يبـكه بجيبـه لا خـرده
روح تكلـه كـون يـروح
تعـال تكلـه كـون يـرد
..... تريـده يصيـر جـزر أبأيدهه ومـده
مـو مثـل الـذي بثنيـــن
ماتقبـل تعـوفـه العـدهـه وتهـــده
عـايـش بالـدلال وراحـة الـبـال
عـد هـاي العشـه وعـد هـاي يتغـده
وبالمنـدر سحــر مـدفـون يلـكالـــه
لـو دفنـت سحـرهـه بنص المخـده
مـو مثلـي ومثـل حظــي
قلـب ومرتفـع ضغطــي
....وكـأبـه وســكر ومعـــده

[b]((الـثـانــي))((اللي متزوج اثنين))
أسـأل مجـرب ولا تسـأل حكيـــم
يـاللـي عنـدك صــار ســــكر
ويالعلـــه ثنيــن حسـدتنـــــي
ريتـك بـكل عـركـه تحضـــر
وتنظـر الـوضعـي الأليــــــم
شـلون حـال شـلون منظــــر
بمسهـه وحـده تهـد عليـــه
أو وحده جابت من أهلهه ...الجتلي خنجــر
وعينـي دوم مـزوركـه ياللي حسدتنـي
وشـوف منـي جم ضلـع باللـه التكســر
أنـه مـا شـايف مـره تلعـب (كـراتيـه)
بـرفسـه وحـده هنـاك أطفــــر
دوهننـي... ومن كثـر مـا دوهننــي
كمـت أسـوهـي ..وبالمشـي كل سـاعـه أعثـر
أمشي مـا عنـدي وعـي ولا عنـدي راي
مـا شفـت مـن وضعـي أتعـس واللـه وأحقـــر
شمـا أجيـب الهـاي ..هاي تريـد أكثــر
وبيهــن كليبــي تحيـــر
وحـده بالصـالـون عاجبهـه تميــش
و وحده فـوك الميش زادت
تـريـد حمـام البخـار وميـش وتسرح الشعر ووحــده تـريـد أخـذهـه الأهلــــه
و وحده تـريـد نفـس اليـوم كـون ويـاهـه أسهـــر
وهـذيج الأندلـس عاجبهـه كـون نـروح
وهـاي تـريـد أيـد أبـأيـد
عل(كرنيش) يوميـه العصـر نفتــر
وذيـج تـريـد نفتـر بالجـزائـروالعشـه بحمـدان
وهـاي ..بالعروسـه تريـد أكصلهــه صــور

و وحده كـل يـوم الأهـل خطــار الي مسيريــن
لا دهن كميه يلحك .. لاطحين وتمن ولا ضل شكر
وأنه ما الــكه سحـر جـوه المخـده
سـاعـه سجينــه الكـه ساعـه أتحـط طبــر
واللـه يعلـم شنهـي لمخلـيـات اليـــه
جــوه طبكـاتـك يمنــدر
وفـوك كلبـي وسـكري والمعـده شـــوف
جلطه صارت بالدماغ وقرحه بالأثنيي عشــر
بس عظـم ضليـت شـوف وبـس جلـد
وأنـه جـان الـوزنـي ميـه ويمكـن أكثر
ضـل علـى الـوحـده وأظـن الـوحـده رحمــه
وعالـوضـع تــكدر تسيطـــــر
وبــــالـك تجــــرب الثنيـــن
هـواي أحـذرك واللــه تخســر
وأحمـد اللـه شمـا يصيـر أعليـك منهــه
الـوحـده نعمـه وبـالـك عليهـه أتبطـر
قنبـلات ثنيـن عنـدي مـوقتــات
مـدري يـا لحظــه أتفجـــــــر
أنـه جبـت المــــوت اليـــه
وأنـه جبـت الضيـم والشـــر
وأنــه أستـاهـل يغـاتـــــي
شمـا أصييـح أللــه أكبــــــر
أنـه عنـدي الجن الأزرك... وأنـه عنـد الجـن الأحمــــــر
ولســه ما تـايـب بعـدنـــي
أرد أسـويهـن ثـلاثــــه
وأدري ثـالـث وحـده منهـه وللكبــر [/color]



[color=green](( الـثـالــث))((اللي ممتزوج))
اليـدري يـدري عمــي والـمـا يـدري جـن كلبـت عـدس
صـار سـاعـه أسمـع حجيكـــم
واللـه بطرانيـن.. ولـكم مـن حجيـكم هـذا بـس
عمـي نـص الـديـن يكمـل بالـزواج
وهـوه هـذا الـديـن واللـــه
مـو صـلاة وصـوم بـس وأدفـع خمـــس
عمــي خلــي تصيــر أفــــه
عمــي خلــي تصيــر طنطل
عمــي خل تفــرس فـــرس
عمـي خلهـه تفتـش بجيبـي وتفــرهــد
عمــــي ختكنســـه كنـــــــس
عمــي خل تـاخــذ شعنـــدي
ولا يضـل دينـار عنـدي ولا فلس
عمــي خلـه تكض طبـر واللــه عليـــه
وخلـــي راســي تشــكه بالمـــــس
عمــي خلـهه تـزورك عيـونـي الثنيـــن
واللـه طبنـي الطـوب... والطبنـي حمــس
عمـي بـس ننسـه العـزوبيــه وألمهــه
عمـــي وســــوالــف أمـــــس
عمــي أريــد البيــت يــزهـــي
بـوحـد وتيــردلي النفـــــس
عمـي خلهـه تـرف عيـون الـنـاس كلهـه
بيـوم عــرســي
...ولـو ألــف واحـــد عطـــس
عمـي زفـونـي أكلهـــم
حتــه لـو سـاعـة نحـــس

عمـي خلي يصيـر عـدهــه السـان بـاشــط
وأنـه خلينــــي أنخــــرس
خلهــه تكســـر رجلـي وأيـدي
وســام أعتبــره الجبـس
عمــي بســكم مــن حجيكــــم
مـو أحــس نفــس نحبـــس
عمـــي والـبـالمـاي أيـــده
مـا دره بالبنـار أيــد ولا يحــس
عمـي والـنـايم تحـت تبـريـد
مـو مثـل الكلـت جسمـه الشمـــس
عمــي خلهـه تصيـب راســــي
وخلــي تفـرسنـي فـــرس
عمـي خلهـه تعيـط وتعربـد عليــــه
وخلـي مـن عـدهـه أنخلـــــــس
عمـي خلهــه تخلـص الكميـه كلهــــه
وبطمـاطـه وخبـز أغمــــس
عمي خلـي تـروح للصـالـون وتميش شعـره
وتلبس شيعجبهــه واللـه أمناللبــس
عمـي خلـي تكـص صـور عند العـــروســه
وبيـدي خلـي تحط أديـهه وبيهـه أحس
عمـي مـا ريـد أكضـي حيـاتـــــي
بـــلا زواج وجنـــي قــــس
عمـي بـس وحـده أريــد
عمـي رايــدلــي ونــــــس
عمــي خلهـه تصيــر سمــره
عمــي خلهـه تصيــر زركـــه
عمــي خلهـه تصيــر ملحــــه
عمــي خلهـه تصيــر ســـوده
عمـي بــس أسمــه عـــــرس
*******************
منقووووول


للشااعر:
كـــــريــم فليــــــــــــــــــــــــــح



هع هع اتمنى تعجبكم

وك يسلموووووووووووووووووووووووووووووووووووووووووو
في غاية الروووووووووووووووووووووووووووووووووووووووعه
تقبلي مروري
عاااشت ايدج
تحيااااتي واشواااااقي

تسلم حياي والله رووووووووووعه

حياتي

ههههه جروحه الكيبورد مالها يعلس احرف هع

مشكووووووووووووووووووره ياعمري

والله حرت لا الزواج يفيد ولا العزوبيه لعد وين انروح ننتحر ؟

اي هيج احسن

مشكورين وعااااااشو والله كلش حلوة بس هسة اني مرتاح لاني مو متزوج لان اروح وجي براحتي مثلا لو متزوج ماكدر اطلع منا لهنا اذا مانطي خبر للدولة هع هع هع هع اتمنة لشبابنة الزواج والراحة

بس اخويه ترى هي من ينطي خبر للدوله غير حتى ما يظل بال الدوله هع هع

وك يسلمو شو هاد خيووووو والله توب كلوب